Mizo Elite News hi ṭha i tihzawng a nih chuan min lo Follow dawn nia

A Nupui In A Boral San Hma Ang Chiahin A Fanu Chu Thlalakna A Neih That Pui Leh

A chunga thleng hi a khawngaihthlak khawp mai. A nupui thih ni chu a fanu in a khawvel eng a hmuhna champha a ni ve chiah a, a damchhungin lungngaihna leh hlimna nen he ni hi a hmang kum khua tawh dawn.

James Alvarez hian nupui atan Yesenia a nei a, tudang ngai lo te a hlim taka lengin an fa hmasa ber an neih hun chu nghakhlel takin an thlir a ni.

An fa in khawvel eng a hmuh hun tur an beisei mek lai chuan vanduaithlak tak in Yesenia chu Car in a su a, chetsualna thlen lai hian chawlhkar 35 a upa nau a pai lai mek in a ni. Yesenia nunna hi chhan tum hle mahse a hliam tuar lovin a boral a, mak takin a puma a fanu erawh a dam khawchhuak thung.

An fanu Adalyn kum 1 tlinna ah chuan James chuan a nupui nen Adalyn a pai laia an thlalak maternity photos ang chiahin a fanu hi an thlalakna hmun ah chiah thla a lak that pui leh a, a nupui thuamhnaw rawng inbel ang chiah chiah chu a fanu hi a hak tir bawk a ni.

“Adalyn birthday a lo inherchhuak a, he ni hi ka fanu piancham a nih rualin ka hmangaih em em ka nupui ka chan ni chiah a ni bawk. He hun ah hian ka fanu piancham hi special tak a lawm sak leh a nu hriatrengna hun hman ka duh a ni” tiin James hian Metro hnen ah a lo hrilh.

Hmana a nupui Yesenia nen an in pose na ah ngei chuan a fanu hi a nu thuamhnaw senno rawng ang chiah a hak tir a ni. James hian thlalak pahnih te a hmuh dun phei chuan rilru leh thinlung na in lungchhia in mittui nen hun a hman hial thu a sawi nghe nghe bawk.