Mizo Elite News hi ṭha i tihzawng a nih chuan min lo Follow dawn nia

A Nupui Hualin Sirah A Hnawl Vangin Amah Leh Amah Chu A Innei

Inneihna chu a dan pangngai ah chuan mi pahnih inhmangaih te hman tur a ni a, chutih lai in pakhat chauh in a hman theih loh tihna pawh a ni chuang lo.

Brazil Doctor pakhat chuan a hmangaihna chu amah leh amah inhlan chung in inneihna a buatsaih ta rup mai.

Diogo Rabelo, 33 hi nikum November thla khan a bialnu Vitor Bueno nen an inhual a, kumin September thla ah innei tur an ni. Amaherawh chu an pahnih hian July thla khan intithiam lo in an inṭhen a, Vitor hian Diogo hi sirah hnawlin a kalsan.

A nupui hual in a kalsan hnu hian Diogo hian inneihna chu a ṭhulh chuang lo. Lavish ceremony in ropui takin mahni in inneihna chu a hmang ta a ni.

October 17 khan Itacare a luxury resort ah inneihna hi hman a ni a, inneihna ah hian a sawm bik zingah mi 40 vel in an telpui bawk.

Diogo hian a inneihni chu a hun tawn tawha a hlim ber ni a nih thu a sawi hial. Dinhmun chhe ber a tawh lai pawha a kianga awmpui tu a laina leh ṭhian hnai te chungah lawmthu a sawi bawk. Inneih thlalak hrang hrang te chu Instagram ah phochhuak a ni.

Tin, amah kalsan tu a nupui hual hnen ah lawmthu a la hrilh zui cheu bawk a, atan a ṭha ber a duhsakpui thu a sawi. “Ka zah em em che a, zalen taka i duh dan ang taka nun hmanga awm turin ka duh che a ni” tiin a thlah.

Geo News