Nupa inkara inrintawnna a awm loh hian a tawp ah rah duhawmlo a chhuah chawk thin reng a, nupa inkar nghehna tur chuan langtlang tak in a tu ve ve pawh an awm a ngai.
Tawau, Sabah ah pasal chuan a nupui in a rinawm lohsan tih a hriatchhuah hnu ah a thinrim in a hrawk ah chem hmanga zaiin a nunna a laksak tih hriat a ni.
He thil thlenga hma la tu Tawau District Police Chief, Assistant Commissioner Peter Umbuas sawidan in thil thlen hun hi March 9, dar 7;06pm vel khan a ni a, oil palm chinna hmun ah a ni.
Tualthattu hian a nupui Norhasnah Sahanin, 20, hi rawng taka a tihhlum hnu ah a tlanbo a, Police te hian an umzui. A nupui hi farm a living room ah chuan thisen tam tak chhuak in a lo let reng a, a ruang pawh hmuh hrehawm khawp a nih thu an sawi.
A pasal kum 22 a upa hi tualthahna thlenna atang 7km ah Police te hian an man a,a chem 68 centimeters a sei bakah a chem paina leh long pants te an laksak tel.
Peter chuan thil thlen dan an chhuichian hnu in inrinawmloh san vang ni bera a lan thu a sawi a. A pasal chuan a nupui hnen ah hian thil awmdan hrilh tura a ti chu a sawiduh lo a ti. Hei vang hian a that ta mai a ni awm e.
Section 302 hmangin thubuai siam sak a ni a, investigation neihchhung ni 7 tal hren la ni dawnin hemi hnu hian a phu tawk hremna a hmuh ngei hmel.