Mizo Elite News hi ṭha i tihzawng a nih chuan min lo Follow dawn nia

A Nupui Hlui In Natna Khirh Tak A Vei Tih A Hriatchhuah Hnuah Enkawl Turin Nupui Atan A Nei Nawn Leh

Thihna in a then hma loh enkawl intiam tawh hnu a damchhung daih lo inthen leh ta hi sawi tur an awm nuk. He China pa erawh hi chuan a hma a sial lo hle. A nupui hlui ni tawh chuan natna khirh a vei tih a hriat hnu ah enkawl tura in pumpek in an inkara inzawmna tawp tawh chu a chhem alh thar leh a ni.

Henan, China a cheng Chen Zhenfeng, 39 hi a nupui hlui Xie Hongxia chuan kal (kidney) ah harsatna tawk in uremia a vei tih a hrechhuak a. An inthen tawh hnu ah a natna hi a hre ve chauh a ni. Mahsela a nupui hlui a ni tawh chungin harsat leh manganna te a tawh mek lai chuan a hawisan thei lo.

Chen Zhenfeng hian Xie Hongxia hnen ah chuan an nupa inkar khi chat awm tawh chu a hma anga ngaiawh tir leh ngei a duh thu hrilhin thutlukna a siam a ni. Xie Hongxia hian phurrit siam sak tu mai a nih a hlauh em vang leh medicall bill vel a tihbuai chu a hreh si a, a sawmna hi a tir chuan lo hnawlin Chen an a hmangaih zia a hmuh chuan Xie biangah mittui a luan phah.

Chinese Media te tarlan danin Chen Zhenfeng hi military a chhuah hnu ah Transportation Bureau of Suiyang District, Shangqiu City, Henan Province ah hna a thawk a, Xie Hongxia nen hian intawng in an innei zui ta hial a. Mahsela an inneih hnu ah an nupa inkar chu an inngaihzawn lai angin a tha reng thei lo. Xie Hongxia hian nau vawi hnih ngawt a chhiat a, hei hian an nupa inkarah khi siam tanin an chhungte ngei atang pawh in nawrna nasa tak an tawk. An nupa an inhauh phah ta fo a, a tawp ah chuan an inthen ta a ni.

Chen chuan an nupa inkar an chhut chah atang kum a vei hnu ah a nupui chu a zawng hmu leh. Natna khirh tak a vei a ni tih hi a hrechhuak. A dinhmun chuan chhiat lam a pan zel bawk. A pasal alo nih tawh angin Xie Hongxia chu enkawl ngei a duh a, nupui atan neih let leh a duh.

“A chungah hian mawhphurhna ka la ang a, ka theihtawp in ka damchhung zawngin ka enkawl bawk ang” tiin a sawi a, a kal (kidney) hial pawh hlan ngaise a hnial loh thu Chen hian a hrilh bawk. An chanchin hi a darh zau hnu in mite rilru a hneh em em a, Xie hi a natna khirh tak lak atang a damchhuah ngei an beisei thu an hrilh hlawm a ni.