Hemi te nupa hi Kolasib khaw bul Thingdawl khua a awm an ni a. An fa ten nupui pasal dang nei vek tawhin an nupa chauhin an khawsa a. An nu hi Pi Zathangpuii(K-74) niin karhmasa inrinni tlai atang khan chaw pawh ei thei lovin khum betin a na tawh a, an pa erawh chu dam sam chiah lo mahse na lutuk erawh a nilo.
An ni erawh an upat tawh avanga ‘tar nat’ ni mai ah an in ngai a. Mahse May ni 16 khan covid an positive tih an hre chhuak ta a ni.
An nu Pi Zathangpuii chu ZMC a enkawl turin Aizawl lam an panpui nghal a, mahse Aizawl thlen pui hman lovin April ni 17 zan lai dar 1:30pm vel khan Zanlawn daiah a natna tuar lovin chatuan ram min lo pansan ta a ni.
An pa hian a nupui thihna hi a tuar takzet a, covid positive ni tho mahse a nupui vuina a kal ngei a tum a. Tichuan PPE nen, a covid natna avanga khawsik chungin an nu vuina hun a tel turin a kal ta a.
A hmun ah chuan thut pawh thu hlei thei lovin a natna avangin a khur zawih zawih mai a, mahse a nupui ruang bula awm a chak bawk si. A hmangaih emem an nu ruang bulah chuan a tap ta zawih zawih mai a ni.
Lalpan vengin awmpui tlat rawh se.