Mizo Elite News hi ṭha i tihzawng a nih chuan min lo Follow dawn nia

A Nupui Chu A Thah Hnuah A Ruang A Suasam

A nupui a tih dan em em hi awih a har zawk. Police te hnen ah chuan a nupui hi bo angin a sawi a, chhui chian a nih chuan alo bo aw zawng lo.

China a mi Xu Guoli, 55 hian Police te hnenah chuan zanlai ah a nupui chuan an chenna in chhuahsan in a bo tak daih thu a report.

Police lam ten zawn hna thawk in CCTV te an han enkual a, July 4 khan CCTV ah chuan a nupui Ms Lai leh a fanu te hi lift a an lut lam hmuh an ni. Mahse Building a chhuahsan lam reng hmuh a ni lo a, chhuizui ngaihna a vang ta hle.

Mr Xu hian Police te hnen ah chuan a nupui bo hi tuar hle angin a insawi. A fanu chuan engtin nge nun a hman zel dawn tih te rilru nat hmel takin a sawi a. Mahsela a tawpah chuan amah chu a nupui thattu ngei a lo ni reng.

Mr Xu’s residential compound a septic tank chu drain a ni a, chutah chuan endik a nih hnu ah human tissue an hmuchhuak. Mr Xu hi Police te chuan an ko a darkar 9 lai thu zawhfiahna neih a nih hnu ah a nupui Ms Lai hi a thah thu a inpuang.

An Chhungkua chungchanga inremlohna neiin a thinrim in a nupui chu a mut laiin a thah thu a sawi. A thah hnu hian la duh tawk mai lovin a ruang chu hmun hrang hrang ah a chandarh a, a ṭhen chu toilet ah hian a paih thu a sawi.

A nupui rawng taka a thah avang hian Police ten Mr Xu hi an man tawh a, a hremna tur hi thubuatsaih lai hian sawi ala awm lo, a chhe berah damchhung Jail bang a zut hmel.

DM