Mizo Elite News hi ṭha i tihzawng a nih chuan min lo Follow dawn nia

A Nupui Chhan A Tumna Ah Tui Ah Tla Hlum

A nupui in nunna a chan mai tur chu a thlir liam mai thei lo a, a nunna hlauthawnawm taka dahin a nupui nunna chhan tumin vanduaithlak takin a nunna a chan phah.

Utah pa Justin Shannon, 46 hi Wahweap Bay off Lake Powell ah midang 6 nen Boating an nei a, an zingah hian a nupui Melissa Shannon pawh a tel bawk.

Melissa Shannon hi tuiah hian invenhimna life jacket ha lovin a zuangthla ringawt a,thli chak tak thawk chuan harsatna siam in Justin Shannon hian a nupui ṭanpui tur hian life jacket ha lovin tui ah hian a zuangthla ve nghal.

Thli chuan lawng chu hnawl in mechanical problem an tawka an restart lawk thei lo. Lawng a mi te chuan Justin te lamah hian lifesaver an theh phei a, chu pawh chu an man thei lo a ni.

Lawng restart a nih chuan midang te chu tuiah hian zuangthla in Melissa Shannon hi an ṭanpuia life jacket an haktir nghal a, Justin pawh tuihnuai aṭang pawtchhuak in lawngah an inhlang kai.

Thil thlen hnu hian CPR te an han pe a amaherawhchu Justin Shannon zawk hi a harh thei tawh lo. Tichuan zan dar 8 vel khan a thi tih an puang. A ruang hi Utah State Medical Examiner’s Office ah autopsy tura lak a ni.

A nupui Melissa Shannon erawh vanneihthlak takin a damchhuak. He vanduaina thleng hi The Kane County Sheriff’s Office, National Park Service leh the Utah State Medical Examiner’s Office lamin an en thlithlai nghal bawk.

Sltrib