Mizo Elite News hi ṭha i tihzawng a nih chuan min lo Follow dawn nia

A Nupui Boralta A Hmangaihzia Tih Lan Nan A Nupui Ang Chiah Lim A Din

A nupui a hmangaih zia tih lan nan leh a theihnghilh lohna turin a nupui hmel leh ruangam ang chiah a lim (statue) a din tir luah mai.

India ram Karnataka a sumdawng mi businessman pakhat Srinivas Gupta hian chenna in thar ah a nupui boralta ang tak mai silicone wax statue chu a din a.

Gupta hian a nupui chu a kiangah a hmuh theih tura awm turin a duh a, a hun pawimawh ah te telpui ve zel tur in a duh a ni.

2017 khan a nupui Madhavi leh a fanu te chu Tirupati a an zin ṭum ah car accident an tawk a, an fanu te chu hliam in mahsela nu ber Madhavi erawh chuan a nunna chanin a lo boral.

Madhavi hian mahni a bangla neih chu a suangtuah ṭhin. A pasal Gupta chuan a nupui duhthusam hi a hriat sak reng a, a thih hnu hian a hriatrengna tura In sak sak in chutah chuan a lim (statue) chu a din ta a,Sofa ah chuan Madhavi hi hlim hmel taka ṭhut tir in en thuak phei chuan mihring pangngai tak tak a ang zawk.

A nupui lim hi Bengaluru a mi artist pakhat Shreedhar Murthy chuan a siam a, a kum tel teh meuh a siamna atan hian hun a hmang bawk.

Wax statue aiah silicon statue in an din, a chhan chu an awmna Koppal hi khua a lum theih em vangin Wax hman chuan AC (air-conditioning) nen chhawmdawl leh ṭankawp reng a ngai dawn. Hei vang hian silicon chu an hmang ta zawk tih a sawi.

A nupui boral ta tana a thil tih sak hi Internet a a darh hnu ah a lar hle bawk. Lo thlir tu te chuan a nupui a hmangaihzia a lantir dan chu ropui an ti.

WOB