Mizo Elite News hi ṭha i tihzawng a nih chuan min lo Follow dawn nia

A Nupui, A Nupui Nu Leh A Unaunu Te Chu Thikthu Chhiat Vangin A That Vek

Hriat a nuam lo in a va rapthlak zawk em. Northeastern Thailand ah Noppadol Nuamsamlee, 41 chuan a nupui, a nupui nu leh unaunu te chu kap in an zavaiin a that vek.

Noppadol Nuamsamlee hian a thil tih chhan a sawi chuan an nupa inkara thikthu chhiatna piangin a nupui hian a pasal ṭhen tawh kiangah let san leh a tum niin a ring a, a pasal hlui nen hian an lo in be fo ṭhin a ni awm e.

Zirtawpni ah Noppadol leh a nupui te hi an inluah chhuahsan in bazar turin an kal a, heta lirthei hmanga an kalna ah hian Noppadol chuan a nupui leh a pasal hlui te inkara thil awm chu hriat a duh. A nupui hian a pasal hlui lakah hian fapa kum 5 mi alo nei bawk.

A pasal hlui nen an chungchang vel vang hian a nupui nen hian an inhmuthiam lo a, Noppadol hian a nupui hi a beizui. A nupui hian a unaunu chu ṭanpui turin a phone a, a unaunu leh a nu te hi thil thlenna hmun lam an pan chuan a thinrim insum zo lo chu an vai hian a that ta a ni.

A nupui, a nupui nu leh unaunu te hi a hmun ah hian an boral nghal vek. Police te chuan Noppadol hi an man nghal a Police te hnen ah chuan a nupui leh a pasal hlui te inbiakna a hmuhchhuah chuan a ti thinur hle niin a sawi.

Noppadol hi northeastern Thailand a Nakhon Phanom provincial court ah inlanin mi pathum nunna a lak vang leh silai vantlanga a chelek vang ten thubuai an siam sak a, bail an khap sak bawk.

A nupui leh a fanu pahnih chantu Paijit Chiangbai, 60 chuan a makpa chet dan chu a ngaihdam theih loh thu a sawi a, hetiang thil hi a tih duh alo ring ngai lo. Bail a chhuah chu a duh loh thu hrilhin a nunna atan pawh a hlauhawm theih thu a sawi bawk a.

Mr. Paijit hian a fanu kha a pasal hlui kiangah a kir leh a ringlo hrim hrim a, a pasal hlui pawh hian chhungkaw thar a din tawh a ti. A fanu chauh nilo in a makpa pawh hian a nupui hmasa lakah fanu kum 8 mi a neih thu Thai Media chuan a tarlang a, a nupui hi kut a lo thlak fo ṭhin tih hriat a ni bawk.

CTN News