Mizo Elite News hi ṭha i tihzawng a nih chuan min lo Follow dawn nia

A Nupui A Hmangaih Zia Tihlan Nan Taj Mahal Ang Chiah In Ropui A Din Ve Ngat

India ram hmingthanna leh khualzin te hip tu pakhat chu Taj Mahal hi a ni. Taj Mahal phena thawnthu ngaihnawm tak inphum te hian a hlut zia a tichiang a, Mughal emperor Shah Jahan an a nupui Mumtaz Mahal tan a sak a ni.

Taj Mahal hian hmangaihna thuk zia a lanchhuah tir chiang a ni chek ang. Madhya Pradesh pa pakhat chuan Taj Mahal ang deuh chiah chu a nupui tan In sa ve ngatin Burhanpur ah a lo din ve riap mai.

A nupui a hmangaihzia lantir nana Taj Mahal ang In din tu hi Anand Chokse a ni. A sakna atan hian kum 3 zet hun an hmang nghe nghe. Sa tu tur te pawh hmun hrang hrang atangin mi themthiam tak tak a ruai bawk.

India Today in a tarlan danin he In sak a nih hma hian engineer ten Taj Mahal chu zirchianna an neih hmasak phawt thu an sawi. Indore leh Bengal atangin mi themthiam (artisan) ten an pui a, furniture te hi Mumbai lama mi thiam ten an design sak a ni. He in hian Taj Mahal ang chiahin Tower a nei a, dome hi 29 feet zeta sang a ni.

A chhuat atan hian Rajasthan atang in Makrana marbles chu an hmang a, Makrana hi Taj Mahal ah pawh khan an lo hmang ve tho bawk. In ah hian bedroom 4 a awm a, hall lian tak,library leh meditation room te a awm kim hle.

Anand Chokse chuan Taj Mahal chanchin hi a tuipui na alo rei ve tawh ang reng a, Shah Jahan khan engvang a Burhanpur ah zawk Taj Mahal hi din lo a Agra ah a sak zawk tih te sawiin a nupui Mumtaz kha Burhanpur ah a hnukchat in a boralna hmun a nih vang a ni. Heta tang hian Taj Mahal ruangam anga din ve turin ngaihdan a neih phah.