Mizo Elite News hi ṭha i tihzawng a nih chuan min lo Follow dawn nia

A nunna thapa a nau hmeichhia ui kawlh laka chhanhim tu mipa naupang chu Spider-Man Film siamna ah Tom Holland leh Zendaya te kiangah hun a hmang

Nikum 2020 a mipa naupang pakhat Bridger Walker chanchin kha tam zawk chuan an la hre theuh hlawm ang. Bridger Walker hian ui kawlh takin a nau hmeichhia a bei chu a nunna thap tak meuh a chhanchhuak in ui nen an insualna lam ah hian a hmai ah hliam rapthlak tak a tuarin a thler nual ani.

Bridger Walker huaisen na hian khawvel a dengchhuak a. Hollywood lemchan thiam tak tak ten chawimawiin a chanchin leh an chhuanzia te an tarlang nasa hlawm.

Tunhnai lawk khan Bridger Walker hi Spider-Man movie an siamna ah sawmna a dawng a, a superhero ngaihsan em em Spiderman nen chuan Studio ah inhmu in Tom Holland leh Zendaya te nen hun an hmang ho ani.

Bridger pa Robert Walker in a fapa hun tawn ropui tak chu Instagram kaltlangin a rawn tarlang a, Tom Holland leh Zendaya te hi on-screen ah mai nilo a tak ram ah pawh superheroes an nih zia an lantir chiang hle tih a sawi.

A fapa an lo dawnsawn dan ah a thinlung takin Tom Holland te hnen ah lawmthu a hrilh a, Tom leh Zendaya bakah Marvel/Sony cast leh crew zawng zawng te chungah Film shoot buai lai a hun chep tak karah Bridger tan hun hriatreng tur leh a duhthusam te a tak ram an thlen tir vang in a theihnghilh tawh dawn lo tih a sawi ani.

Tom Holland nen hian Bridger hi web-swing te an ti dun a, mipa naupang tan chuan a ngaihsan em em a superhero nen a hun hman dun ai a nuam tur thil dang reng a awm bik awm lo ve.

Kum 2020 a ui in a seh khan kum 6 chauh a upa a la ni a, a hmai hmuh hrehawm khawp a awm in hmun 90 lai ah a hliam hi thui/chilh sak a ni nghe nghe. He thil thlen lai hian MCU mi leh sa atang Chris Evans, Mark Ruffalo leh Brie Larson te pawh Twitter ah an rawn che chhuak hial bawk.