Lao Cai, Vietnam a nula pakhat Pham Thanh Tam hian naute thla 14 a upa, en reng reng pawh a sawngnawi leh hrisel lo a ni tih hriat ngawih ngawih chu fa atan a la.
Fa atan a lak hlim hian Thi Thuy Thi Nhi hi 3.5 kgs chiah a rit a ni nghe nghe. A nu leh pa ten an bikbo san hnu ah enkawl tu tur mumal a nei lova, Thanh Tam nen hian Thi Thuy Thi Nhi hi 2016 a charity event ah an intawng a, heta tang hian hmangaih nghalin a nungchang te chuan a rilru leh thinlung a hneh em em a ni.
Thanh Tam hi a hmelthat leh mawi ang chiah in a rilru pawh a tha. Mahsela fa atan a Thi Thuy Thi Nhi a lak tirh khan thenkhat ten an hriatthiampui lo hle a, nula a la ni si a, a enkawl dan tur kawngah an ngaihtuahpui tak zet a, hei bakah pasal a neih hun ah a thlahthlam leh mai ang tih an lo hlauthawng.
Khatih lai khan kum 24 chauh a la ni. Fa atan a lak hnu hian a theih ang tawk in atan nu dinhmun a vuan a, midang mak tih khawp hial a theihtawp a tha in hmangaihna nen a enkawl seilian.
Hun leh kum te a liam zel hnu ah phei chuan hmana naute sawngnawi deuh thin Thi Thuy Thi Nhi kha hmeichhe naupang hrisel tak a ni tawh. Tunah chuan Thanh Tam chauh in a enkawl tawh lova a pasal leh a pi ten tha takin Thi Thuy Thi Nhi hi an enkawl pui a ni.
