Mizo Elite News hi ṭha i tihzawng a nih chuan min lo Follow dawn nia

A Nu Leh Pate Fimkhur Loh Vangin Naute Ni 40 Leka Upa Chu Covid19 Vangin A Thih Phah

A nu leh pa te fimkhur loh lutuk avangin an fa piangtir deuh chauh chu ni 40 leka upa niin hripui Covid19 vangin a boral phah.

Tribunnews in a tarlan danin Pamekasan, Indonesia ah nupa te chuan naute an nei a, naute hi a pian hian hrisel tak niin ṭhat lohna a nei lem lo. Mahsela a nu leh pa te hi an ngaih a lo ṭha hma lutuk a, hei vang hian a hriselna chuan a tuar phah ta a ni.

Hospital aṭanga in lama an haw hnu ah an ṭhenawm a mi te chu an in ah kala an naute han en leh pawm te chu an lo phalsak a, a hriselna an lo ngaihtuah reng reng lo. A hnu reilo ah chuan naute hi covid19 natna lanchhuah danin khawsik,khuh leh thawk lama harsatna a nei a, a boral phah ta a ni.

Medical practitioners chuan naute chu covid19 a vei an ti a, virus hi ni 28 leka upa a nih khan alo vei daih tawh.

A nu leh pa te hi test an neih ve ve chuan an negative bawk si a, medical team te chuan an ṭhenawm a mi an naute pawm tu te zinga a tu emaw ber chuan hri hi a kaichhawn niin an ring ta a ni.

Mayo Clinic chuan he hripui hi nausen kum tlinglo te tan ngat hian a hlauhawm zia an sawi. Nu leh pa te pawh nasa taka kan fate himna tura kan fimkhur zual sauh sauh a pawimawh hle.

WOB