Mizo Elite News hi ṭha i tihzawng a nih chuan min lo Follow dawn nia

A Nu Leh Pa Ten Nasa Taka Sawisa A Kut An Thlak Ṭhin Vangin An Ṭhenawm Balcony Ah Zuang In Tlanchhia

Hmeichhe naupang chu a nu leh pa ten nasa taka kutthlak in an lo sawisa ṭhin a, he hmeichhe naupang hian a nu leh pa te lak aṭang hian tlanchhiat alo tum a ni.

Hmeichhe naupang hi kum 9 mi a ni a, South Korea a thleng ani. A nu leh pa te lak aṭang tlanchhia in an ṭhenawm balcony ah a zuanga ṭanpui na zawng hian ke lawngin in hi a chhuahsan tih Gyeongnam Provincial Police Agency chuan a sawi.

An ṭhenawm te hian Changnyeong, South Gyeongsang Province a roadside ah hmu in Police lam an biak pawh sak nghal.

A taksa ah chuan kutthlak a tawrhna ah a hliam nual a, a ruh ṭhenkhat te a tliah bakah anaemia symptoms a nei bawk.

A pahrawn kum 35 leh a nu kum 27 te chuan hrem in chain in an thlung tih a sawi. A nghawngah ni 2 lai metal chain in an thlung bawk a. Bathroom pawh hmang theilo a an siam bakah a khamkhawp chaw pawh an pe duh lo.

Heng te bakah hian metal chopstick leh thir tiang (metal stick) ten sawisak niin Bathtub ah hnim hlum an tum hial thu te a sawi a ni.

A pahrawn pawn lama a chhuah hlan chu remchang ah a la a, a nu leh a unau dangte awm lai a chhuak turin a lo chang. Investigation an neih chuan item 10 hmanga sawisak a ni tih hriat a ni frying pan, lock, metal chain leh glue gun te pawh a tel nghe nghe.

A hma chuan foster care ah a awm ṭhin a, 2017 khan a nu kiangah hian letin sawisak leh tih duhdah a tawk chho. An ṭhenawm leh an zirtirtu te pawh in a chunga thil thleng hi an hrechhuak ngailo a, a chhan pawh a ser (scars) te chu a thawmhnaw hmanga alo hliahkhuh tlat ṭhin vang ani.

A nu leh a pahrawn lakah hian Investigation neih mek a ni a, kum tlinglo naupang sawisak vangin thubuai an siam sak.

WOB