Mizo Elite News hi ṭha i tihzawng a nih chuan min lo Follow dawn nia

A Nu Leh Pa Te Ruihhlo Vanga Jail Tangin A Nau 4 Te Enkawl A Ngaih Phah

An va lainatawm em! Naupang thenkhat te hi chu an nu leh pa te zir loh vang leh vanduaina thil ah te naupang hun hlimawm nei thei lovin an awm phah thin.

Sinar Harian in a tarlan, Malaysia rama thingtlang khaw pakhat a hmeichhe naupang dinhmun hi a khawngaihthlak zawk khawp mai.

Farisha Mohd Ridzuan hi kum 11 lek a ni a, a duh reng vang pawh nilovin an chunga thil thleng vang zawk in loh theih lovin a naute tan nu leh pa dinhmun a chelh a tul phah a ni.

A nu leh pa te hi ruihhlo leh a kaihhnawih vangin Jail an tang mek. A unau mipa 4 te kum 12, kum 6,kum 3 leh kum 1 te chu enkawl leh buaipuiin hun a hmang ta a ni.

Kubang Terap, Kelantan ah an khawsa mek a,gas stove an neih loh vangin thingtuah in a unau te ei tur hi a siam sak thin. Hetia ei tur a buatsaih lai hian an naupang ber tap tur thlem in a pawm pah thin bawk.

A pi leh pu te bul ah cheng in an pu hian chronic asthma a vei a, a pi Wan Hasiah Wan Aziz erawh an chhungkaw tan hnathawk in pawisa a thawkchhuak thung a ni.

An naupang ber hian bawnghnute pangngai in tur pawh nei zo lovin an awm ve naw naw a, School kal te chu duh ve hle mahse atan kawng a awm lo. Kum 2 lai chu School hi a chawlhsan tawh tih a sawi. Authorities ten an dinhmun hi hriat sakin tanpui an ngaih zia hian an beng ri thleng se an ti hle bawk.