Mizo Elite News hi ṭha i tihzawng a nih chuan min lo Follow dawn nia

A Nu Leh Pa Te Lak Ah A Bialnu Chu Kum 10 Chhung A Thukru

Hmangaihna mak leh danglam tak a ni chiang e. Kerala a khawsa tlangval pakhat chuan in pakhat ah a chhungte nen cheng ho vek chungin a bialnu chu kum 10 chhung a lo thukru a ni.

February 2010 atang khan a bialnu hi a rukin a bulah a cheng tawh a, hetih lai hian a bialnu Sajitha hi kum 18 leka upa a ni. Ayilur village of Palakkad district a an chenna in atang an chhungte hmu tur anga a chhuak chu hawng tawh lovin a khuang cher bo zui ta hmak.

A chhung ten Police te bulah an fanu bo thu hi complain an thlen a, mahsela ngawrh taka an zawn hnu ah pawh Sajitha chanchin reng an hre thei lo. A chhungte leh khaw mite pawh chuan a thi tawh niin an ngai ta hial.

Amaherawh chu hun rei tak kum 10 lai mai a bo hnu ah Sajitha chanchinthar hi hriat a ni a, a chhngten thi a an lo ngaih tawh hial chu nungdam in an khua ah vek a bialpa Rahman kiangah a lo cheng ve char char.

An sawidan chuan Rahman leh Sajitha te hi an inhmangaih dun em em a, an chhungte pahnih an hmangaihna ah hian tlazep in an pawh then mai an hlau. Sajitha hian an chenna a chhuahsan atang khan Rahman’s room ah a lo awm tlawk tlawk a ni.

Rahman hi electrician a ni a, a chhungten a room ah hmeichhia a chenpui tih an hriat loh nan room chu automatic lock fit thlap in amah chauh in a hawn theih nan a siam a,Rahman pawn a chhungte lakah a mizia thlak danglam in rilru lama buaina nei ang ten a in awm tir.

A thil ei thin dan te chu a thlak danglam tial tial a,a chhungte bulah engmah ei duh lovin a room ah a keng lut zel thin. A bialnu Sajitha hi zana toilet a hmang tur bakin a chhuak ngai lo bawk.

Chutia hun rei tak an awm hnu ah chuan Rahman hi a bo a, mahsela an khaw hnaih maiah a bialnu nen hian in pakhat an lo luah dun tih an hrechhuak. Hetia an chanchin hriat a nih takah chuan an pahniha chen dun an duh thu leh an chhungten an inkar an hriatthiamloh an hlauh vang a khatiang thil ti kha an nih thu an sawi bawk.