Mizo Elite News hi ṭha i tihzawng a nih chuan min lo Follow dawn nia

A Nu Leh Pa Te Hri Vanga An Thih Hnuin Fahrah Hringnun A Tem Ve Ta

Hripui nunrawng lutuk hi chuan chhungkua a va ṭhendarh nasa tak em. Texas a mi mipa naupang kum 4 a upa chu a nu leh pa ten hripui Covid19 vanga an boralsan hnu ah fahrah a ni ta der mai.

Raiden Gonzalez hi a hma chuan a nu leh pa te nen hian chhungkaw hlim tak an ni ṭhin a, mahsela Covid19 vanga a nu leh pa Adan, 33, leh Mariah Gonzales, 29 ten an boralsan hnu ah an chhungkua chu a kehdarh ta a ni.

A pa Adan hi June 3 khan Coronavirus vang in damdawiin ah admit a nia, chawlhkar 4 a liam hnu June 26 khan a boral. Adan hian hri hi a thawhpui aṭanga kai nia hriat a ni bawk.

A nupui Mariah Gonzales erawh hri hi khawi aṭanga kai nge a ni tih hriat a nilo. A pasal a boral hnu ah ni 100 chhung vel a liam tihin October 5 khan alo boral san ve leh.

Fahrah khawngaihthlak tak mai Raiden hi San Antonio a a pi (a nu hringtu nu) bulah tunah a khawsa mek a, a pi Rozie Salinas chuan Raiden hi kum 4 chauh a la ni a, a nu nen hian an inkawmngeihin a kalsan hnu hian a nu hi a ngaizual em em a ni tih a sawi a, zinga a thawh te hian a nu a ngaihzia leh kir leh tura a duh zia alo hrilh ṭhin bawk.

Raiden hian thla thar mai ah kum 5 a tling dawn bawk a, a nu leh pa te chunga thil thleng a hriatfiah tak tak hun ah chuan engtiang takin tuarna ang maw. A pual hian ṭanpuina tur in GoFundMe Account siam sak a ni bawk.

DM