Mizo Elite News hi ṭha i tihzawng a nih chuan min lo Follow dawn nia

A Nu Leh Pa Te Chuan Online A Pawisa Hmuh Nan An Fanu Chu Camera Hma Ah Thil An Ei Luih Tir Ṭhin

Pawisa hi chuan mihring chhia leh ṭha hriatna thlengin a tihbuai phah thei a ni tia an lo sawi ṭhin hi a dik hmel hle.

China a nupa tuak te chuan in Online lama sum hmuhna remchang dap in an fanu chu Camera hma ah thil an ei luih tir ṭhin nia sawi a ni a. He hmeichhe naupang hian Online lam ah ṭantu pawh a ngah zui hle a, a nu leh pa te hi nasa takin an sel chiam bawk.

Hmeichhe naupang hi kum 3 a upa Pei Qi tia koh a ni. Pei Qi hian Plate ah ei tur inchhawp chu eiin a video hi a nu leh pa ten Online ah an phochhuak ṭhin. Mahsela hmeichhe naupang kum 3 si ah chuan a taksa a thau in a rihna a nasat em vangin a nu leh pa te hian a hriselna an ngaihtuah reng reng lo an ti a, sum siam nan tihluihna hmangin an ei tir tiin miten an beizui ta a ni.

Chinese social media ah pawh he thil chungchang hi a darhchak nghal hle. A fanu video hi 2018 aṭang khan a nu hian Chinese streaming platform pakhat Xigua Video ah a dahchhuak ṭan.

Media report in a sawidan chuan video pakhat upload ah Pei Qi hian ei tur a ei theih tawh loh thu a hrilh hnu ah pawh a nu leh pa te hian a plate ah ei tur an dahsak leh zel tih a sawi nghe nghe.

Weibo ah thleng pawh trending topic a kai pha. Web user mi maktaduai teh meuh in naupang nu leh pa lakah hian an thinrim zia an lantir.

Mi pakhat chuan in “he mite nupa hian an fa hi sum dehchhuahna atan an hmang a ni ringawt a lawm. A hriselna chungchang engmah an ngaihtuah lo hrim hrim” a ti a, “hei hi naupang nghaisakna a ni. Ṭhenkhat te hi chu nu leh pa ni tlak an ni ṭhin lo. Min ti thinrim tak zet he thil thleng hian” tiin midangin a rawn sawi bawk.

Buaina a awm hnu hian he hmeichhe naupang channel hi site aṭang remove a ni nghal. A nu leh pa te erawh in an fanu chu a hriselna a ṭhat thu leh video chu hlimawm tur mai atan a siam chauh an nih thu an sawi thung. All-China Women’s Federation lam te hial an lan phah a, investigation pawh neih niin authorities lam ten an hna an bawhzui nghal bawk a ni.

DM