Mizo Elite News hi ṭha i tihzawng a nih chuan min lo Follow dawn nia

A Nu In Zu Man A Pek Duh Loh Vangin A Lu Tan Chhum Sak, A Nu Lu Bung Kengin A Kalpui

India ramah hian chanchin rapthlak tak tak thleng hriat tur hi a awm fo. Telangana a Nagarkurnool district ah mipa pakhat in a hringtu nu kum upa tawh tak chuan zu man a pek duh loh vang maiin a lu a tan chhum sak.

Tualchhung Media te tarlan dan in misual hi kum 45 a upa Ramulu tia koh a ni. Zirtawp zan ah rui tawh tak chungin in lam ah a haw a, a nu kum 65 mi Putta Chandramma chu tibuai zui nghal in rui tawh hle chung chuan zu dang leina tur pawisa a dil a ni.

A nu hian pawisa hi a lo pe duh lo a, hei vang hian Ramulu hi a lungnilo in a thinrim tak zet. A hringtu a nu ngei chu beiin a lu a tan chhum sak ta a ni.

A nu Chandramma a thah hnu hian midang hmuh loh hlanin Ramulu hi a tlanbo zui a, a nu lu a tan chhum chu a keng tel bawk.

An hnaih lawka cheng a u mipa Kurumurthy chuan Inrinni zing lam ah a nu ruang, lu pawh awm tawh lo a taksa chauh, thisen tam tak nena let reng chu a hmu a, Police te hrilhin a unaupa Ramudu chu an zawnga investigation an nei.

Police te hi sniffer dog nen thawkchhuakin Pi Chandramma lu bung hi water tank bulah an hmu. Ramudu hi zu ngawlvei a nia, a nupui nen pawh an inkawl hleithei loh vangin a nu kiangah hian a cheng. Ramulu lakah hian tualthah thubuai an awrh tir.

Times Now & IT