Mizo Elite News hi ṭha i tihzawng a nih chuan min lo Follow dawn nia

A Nu In Car Chhungah A Theihnghilh Vangin Hmeichhe Naupang Kum 3 Mi A Thi, A Nau Dinhmun Pawh A Ṭha lo Hle

Booneville, Arkansas a thleng niin Kaylee Petchenik, 21 chu a muhil a han thawh chuan a fate chu an lo awm si lo a, manganga a zawng ruai hnuin Police hial a lo koh phah a ni.

Police lam te an thlen chuan a fate chu a rinloh tak mai ah hmuh an ni a, a Car chhung hnung lam ah chuan nikhawhrelo in Arkansas State Police officer in a hmu. Kaylee Petchenik hian a fate chu Car chhung ah hian a lo theihnghilh reng alo ni.

A fanu kum 3 mi Laykn chuan nunna a chan phah a, a nau kum 1 leka upa Olivia pawh a dinhmun a ṭha lo hle bawk a ni. Laykn hi Booneville a damdawiin a hruai a nih hnu ah a thi zui nghal. Arkansas State Crime Laboratory ah a ruang hi postmortem turin an la.

Kaylee Petchenik hian a car hi an chenna pawn ah a park a, temperature hi 30C aia chung te a hawlh vangin a fate hi Car chhung lum uap tak ah alo up char char a, damchhuah chu thil harsa tak a ni ang.

Amaherawhchu duh reng vangin a fate nunna hi a laksak lo a, a ṭhenawm Matthew Wood chuan bathlar a a ṭhut laiin Kaylee hian a lam panin a fate hi mangang taka a zawn nasat hle thu a sawi a a hnathawh vangin a chau viau a ti bawk.

A fanu pakhat boral a pakhat zawk dinhmun ṭhalo taka a awm tir chungchangah hian hremna pek a nih dawn leh dawn loh tarlan a la nilo. Laykn vuina turin GoFundMe Page chu siam a ni bawk.

Mirror