Mizo Elite News hi ṭha i tihzawng a nih chuan min lo Follow dawn nia

A Nu Damdawi In Ah A Awm, A Pa In A Boral San Tawh Mipa Naupang Chu UP Thana Ten Enkawl Turin An La

Chhungte dang belh tur a neih loh vang in he mipa naupang hian kalna tur dang reng a nei lo a, hei vang hian UP thana te chuan enkawl turin an la ta a ni.

Meerut a mi mipa naupang hi Anmol tiin an ko a,kum 14 lek a upa a ni. A pa hi kum 2 liam ta khan vanduaithlak takin road accident ah a nunna a chan a, a pa thihna hian a nu chu a nghawng nasa hle bawk.

A nu hriselna dinhmun a that loh vangin damdawiin ah awm a ngai a, Agra a damdawiin ah enkawl a ni. A nu chuan Police ah te an chunga thil thlen dan chu a sawi vek a, Anmol hian enkawl tu tur a neih tak loh vangin station house officer (SHO) ten Police Station ah hruai in an adopt a ni.

“Tunah hian mawhphurhna ka la ang. Kaihhruaina tha a hmu lo a nih chuan hum sual a dai phah thei a, enkawlna tha a dawng a nih erawh chuan hma hun eng tak a nei dawn a ni” tiin Sagar, station house officer (SHO) hian a sawi.

Anmol hian in ah leh thana ah te a hun a hmang a, officer chuan zirna a dawn theihna turin a admission tur buaipui mek a nih thu a sawi bawk.

Anmol an Police Station a a piancham lawmna Cake a cut lai te chuan mite thinlung a hneh hle a, Child Welfare Committee (CWC) lam te pawh Anmol chungchang ah hian hma an la ve nghal tih hriat a ni.