Mizo Elite News hi ṭha i tihzawng a nih chuan min lo Follow dawn nia

A Nu Boral Thu A Hriat Hnuah Pawh Ambulance Driver Chuan A Hna Chawlhsan Mai Lovin A La Thawk Chhunzawm Zel

Han ngaihtuah teh a rilru a hrehawm ve dan tur hi. Mathura,UP damdawiin a thawk ambulance driver pakhat Prabhat Yadav hi Covid19 vei te phurin hun a hmang thin a, a hnathawh lai mek in mi tumah in an dawn duh loh tur zualko Phone Call chu a dawng ta a ni.

A chhungte chuan Prabhat Yadav hnen ah hian Phone hmangin a hringtunu boral thu chu an hrilh hria a, rilruna tak in a awm. Call lungchhiat thlak tak a dawn zawh hnu hian chhel tak leh rilru fim takin thil a ngaihtuah a, a hnathawh lai tlansan a a nu ruang lam pan mai lovin a hnathawh tur ang te thawh zawh vek phawt a thlang.

“A tirah kha chuan min thawng tak zet a ni. Mahse a hnu khan ka in thunun thei hram. Ka hnathawh lai kha a pawimawh em avang in ka tawpsan ngawt thei lo a ni” tiin a sawi a, midang nunna chhan ngai em em te kha tlansan thei a nilo tih a inhria a, in lama tlan haw ai khan a pawimawh hmasa in hria a ni a ti.

A nu boral thu a hriat hnu ah Covid-19 positive mi 15 lai te chu damdawiin ah a hruai thleng leh vek. Hemi ni vek ah hnathawh tur a neih te a hlen zawh hian an khua 200 km zeta hla Mainpuri ah a nu thlahliam tur hian a kal leh vang vang.

Lusun a a nu a thlah liam tuk mai ah Yadav hian chawlh hahdam mai lovin a hna a zawm leh nghal. Kum 9 chhung chu ambulances 108 lai a khalh tawh a,nikum khan Covid duty tura thlan niin hrivei an tlakhniam deuh hnu khan an chawl zawk a mahsela Case a san chhoh leh tak zel vangin Yadav pawh a duty lamah a kir leh ta a ni.

Times Of India in a tarlan danin nikum July thla khan Yadav hi a pa in Covid vangin a boral san tawh a, in lama haw a, a pa ruang a mangtha zawh ah a hna a lo chhunzawm leh nghal tho a ni. Midang te tan a inhlanna hi a ropui khawp mai.