Mizo Elite News hi ṭha i tihzawng a nih chuan min lo Follow dawn nia

A Neih Chhun a Antam Mi Harsa Te Tan a Hlan, Cherhlun Nufa Lainatawm Te

Kapi hi a hming chu Pi Bawimeni niin tunah hian a kum 80 na a hmang mek a. A fapa Lalchhuanga nen an khua Cherhlun ah an nufa in an khawsa mek a ni.

Karhmasa lawk khan an khua te chuan khawpui lama mite tan tiin an thlai thar neih ang angte an thawh khawm a, kapi pawh chuan a neih remchan ve tawk a antam sih thar chu khawpui lama a mamawhtu te tan tiin a rawn thawh chhuh pui ve a ni.

Kapi hi a pasal in boral san tawh a, vanduaithlak takin a fapa chu kum 2019 khan stroke avangin a zeng ta hlauh mai a. Chuta tang chuan awm hmun pawh sawn thei lovin chhuatah a mu nileng zankhua tawp mai a ni. An khawtlang hruaitu te sawi danin a fapa hi tawng pawh a tawng thei tawh lova, anu nen a zaizirin an inbe ta mai thin a ni.

An khua a va zin kan han tum viau na a, mahse an VLTF ten rem an la tih chiah loh avangin kan la zin thei lova, tichuan an YMA te kaltlangin kan tanpui ta a ni e.