Mizo Elite News hi ṭha i tihzawng a nih chuan min lo Follow dawn nia

A Naute Pa A Mipa Naupang Kum 10 Mi Puhtu Hmeichhe Kum 13 Pawh Dam Takin A Naute Nen Hospital Aṭang

Russia a zirlai kum 13 a upa Darya Sudnishnikova hi kum naupang te chunga nau a pai avangin khawvel a barakhaih a,Social media influencer ah a ṭang a ni.

Naute a pai chu a la awihawm deuh. A naupai ai a mak zawk tak chu a naute pa atana mipa naupang kum 10 mi a puh hi a ni.

Tunah chuan tluang tak in naute a nei tawh. Kum naupang tak a la nih avang hian nau neih pawh hi a harsat hle. Mahsela dam takin a fa nen hian damdawiin an chhuahsan fel tawh a. Damdawiin aṭang an chhuah hian an kiangah naute pa nia a puh tak mipa naupang kum 10 leka upa Ivan (Vanya) chu a awm ve nghe nghe.

Hma lutuk a naute a hrin vang hian Darya hian ngaihven tu a ngah phah nasa. Instagram ah 400,000 followers hma ah a chanchin hi a tarlang ṭhin a ni.

A tirah Ivan chu a naute pa ah hian a puh a, an mut dun hnu ah rai ta angin a insawi. Amaherawh chu naute pa a a puh mipa naupang hi awihawm loh leh thiltheih loh a ni tiin experts te chuan an sawi tlat thung.

Hetia an tih tak ah chuan a inpuang zui ta a, an awmna Zheleznogorsk ah rawlthar kum 16 in a pawngsual tih a sawi leh. Pawngsual a nih chu pawm harsa a tih em vangin Ivan hi a naute pa ah alo puh ringawt a ni awm e.

Police te pawh in he thil thleng chungchang ah hian chhuihna an thawk nghal a, naute DNA sample hial lak a ni. Ivan hi a kum a la naupan vangin Darya in nau a neih laiin awm ve phalsak a nilo bawk a ni.

Darya hian duhthlanna fel fai tak siam in School chawlhsan a a fa hi ṭha taka enkawl zawk turin thutlukna a siam.

MR