Mizo Elite News hi ṭha i tihzawng a nih chuan min lo Follow dawn nia

A Naute Kuta Chhinchhiahna Mak Danglam Tak Mai A Hmuh Chuan A Mengphawk Chiang Hle

Chinese nu pakhat chuan a fapa kuta chhinchhiahna (birthmark) danglam tak a hmuh chuan mak a ti hle a, he a chanchin hi Internet ah pawh a darh chak zui viau a ni.

He hmeichhia hi Wang a nia, a hma in Samoyed dog, Reno tia an koh chu an nei thin. Kum 11 lai a upa a ni tawh. A ke hma lamah chuan eng emaw chhinchhiahna a nei a. Hmangaih taka enkawl in hun harsa leh hlimna karah pawh an thian leh chhungkua ber a ni.

Mahse vanduaithlak tak in Reno hi a thi hlauh. Wang leh a pasal te pawn duat taka an ui an lo enkawl in a boral san mai chu an tuar hle. Reno boral atang reilo ah Wang hian naute a pai a, fapa duhawm tak Tuan Tuan chu August 2019 khan an nei.

A fapa lo piang chuan zawi zawi in an lungngaihna te chu a chhawk a. Amaherawh chu a fapa taksa ah chuan Wang hian thil danglam tak a hmuchhuak thut. Chu a thil hmuh zet chuan mak a tih tir chiang kher mai.

Tuan Tuan kut veilam ah chuan chhinchhiahna (Birthmark) a lo awm khiau mai. A fapa kut a birthmark a hmuh hi hmana an ui vulh thi ta Reno ke hmalam veilam a chhinchhiahna awm ang deuh chiah kha a ni.

An ui duat em em chu an fapa kuta kutchuk hian a hriatchhuah thar tir leh a, thil thleng hi mak an tih em avangin an rawn tarlang. Mitam tak in an ui chu a fapa ang in a rawn piang nawn leh niin an ngai hial. Wang erawh in reincarnation hi a ring ngam chiah lo tih a sawi.