Mizo Elite News hi ṭha i tihzawng a nih chuan min lo Follow dawn nia

A Naute A Kut Ngeia Ala Pawm Hma Hauh In Coronavirus Vangin A Boral

A pian hma in a fa chu a kut ngeiin duat takin a pawm ang ti te in alo suangtuah ve ngei awm si a. Mahsela fa a hrin hnua a thil tih tur alo suangtuah ve te chu engtik ah mah a tihlawhtling thei tawh dawn lo.

Birmingham a mi Sarah Scully (kum 35) hian nau a nei a, amaherawh chu a naute hi vawi te khat mah a kut ngei a pawm hman lo. A pawm hma in a naute hi a boralsan.

Naute a pai hian hripui Covid19 chu alang ṭan tawh a, emergency caesarean kaltlang in naute hi a hring.

Nau a neih hnu ah a naute nen hian ṭhen hran an ni zui nghal a, hripui vang hian a naute hi pawm chu sawiloh tawk ringawt pawh a remlo a ni.

A dinhmun chuan ṭhat lam aiin zual lam a pan zel a, thla khat chuang meuh nikhawhrelo a a awm hnu chuan a nunna a chan zui ta a ni.

A nu Elizabeth chuan a fanu Sarah in a fa pawh pawm hman lo a a boral san zui nghal mai chu hrehawm a tih thu leh a rilru natthlak zia a sawichhuak.

Sarah hi Nilaini kalta khan vui a ni a,social distancing rules vangin a vuina ah hian tel pawh an tam lo. Boots, West Bromwich a a thawhpui te erawh a huntawp hi an hmanpui. Sarah hi make-up specialist ah hna a thawk.

DM