Mizo Elite News hi ṭha i tihzawng a nih chuan min lo Follow dawn nia

A Naupan Laia Rukbo Niin Kum 30 Zet A Chhungte Nen An Inthen Hnuah An Khaw Landan Map A Ziah Hmangin An Inhmu Leh Thei Ta

Chinese pa pakhat Yunnan province a cheng thin Li Jingwei hi 1989 khan naupang rukbo ching child-trafficking gang ten a ru bo a, a chhungte leh a nu leh pa nen thenhran an ni.

Rukbo a nih hian Li Jingwei hi kum 4 lek a upa chauh a ni. A chhungte lak atanga lak hran a nih hnu ah an chenna atanga 1,800km a hla Lankao a chhungkaw pakhat te hnen ah a khawsa.

Hun leh ni te a ral zel a, mahsela Li Jingwei chuan rukbo a nih lai a an chenna in leh hmun hma vel awm dan zawng zawng chu alo theihnghilh reng reng lo a, a rilru leh mitthla ah chuan a nu leh pa te nena hlim taka an khawsakna hmun chu chiang leh fiah em em in a lang. A mitthla a a chhungte dik tak nen an chenna chu paper ah ziakin, a map draw chu Online ah a phochhuak.

Mahsela China ram zau tak mipui 1.4 billion chenna hmun ah chuan a chhungte dik tak hi a zawn hmuh theih ngai pawh a inbeisei chuanglo. Amaherawh chu kum liam tawh a naupang rukbo te leh a chhungte inhmuhchhuah leh dan a chhiar atangin beiseina chhe te chu amah a awm ani.

China rama Social Media hman uar tak pakhat Douyin app ah chuan a chanchin leh a map draw te chu video in a phochhuak a. Map a ziah chu a chhungte dik tak nen an lo chen tawhna thin a nih thu a sawi bawk. A map ziah chu alo tangkai khawp mai. Map awmdan an en chuan Yunnan, southwest China hmuna Zhaotong a thingtlang khua nen alo in ang chiah a. Chutah chuan nu pakhat in a fapa a hloh ani tih an hre zui leh zel bawk.

DNA test hmang te a nufa an nih leh nih loh an chian chuan thisen ah inzawmna an lo nei ngei a ni tih hriatchhuah a ni. Kum thar ni khan kum 33 zet an in hloh tawh hnu ah a nu dik tak te nen hian mittui tla chunga inkuah in an inhmu leh thei ta. A nu dik tak nen an inhmuhchhuah leh meuh chuan Mr Jingwei hian nupui leh fa hial a nei tawh ani.

China ah hian naupang rukbo hi thil mak a ni hran tawh lo a, kum tin a thleng fo thin. Naupang ru thin tu te hian chhungkaw dang hnen ah an hralh chhawng leh a, 2015 khan kum tin naupang 20,000 vel chu an chhungte lak atang rukbo an nih tih Chinese media ten an tarlang.