Mizo Elite News hi ṭha i tihzawng a nih chuan min lo Follow dawn nia

A Nau Tui Tla A Chhanna Lamah Mipa Naupang Kum 10 In A Nunna A Chan

A unaunu tana a nunna hial hlan tu mipa naupang hi chawimawi a va phu tak. Inrinni liam ta mai khan South Dakota ah mipa naupang kum 10 a upa Ricky Lee Sneve chu a unaunu tui tla a chhanna ah a boral tih hriat a ni.

A nu Nicole Eufers in Argus Leader te a hrilh dan in a pasal leh a fate hi Inrinni khan lui ah an kal a, an chetsualna hmun hi Big Sioux River ah a ni. Tui ah hian an chesual a, chhan turin a pa nen tuiah an zuanglut nghal. A pa hian mi pahnih a chhan a, Ricky hian a unaunu kum 5 Chevelle chu vaukam hmun him ah a thlenpui a mahse amah zawk chu talbuaiin tui ah chuan a pil zui nghal.

Tanpui tu pawl rescue team lam te chetsualna a thlen hnu ah koh thuai an ni a, tui lut thiam ten theihtawp in a zawn hna an thawk.

New York Post chuan Ricky Lee Sneve ruang hi chetsualna thlen zan vek hian Lincoln County Sheriff’s Department ten an hmuh thu an puang a, lusun chhungte an tawrhpui zia an tarlang bawk. Ricky hi unau 4 zinga upa ber a ni.

An fapa thihna chu a nu leh pa te hian tuar har an ti tak zet bawk a Ricky chu mipa naupang danglam tak a nih thu an sawi. A nu chuan kum 10 lek mah nise a lak atang thil tam tak zir tur a nei a, hmangaihna leh nun hlutna te a zirchhuak tih a sawi hial. A pa pawh in a fapa chu mi tu te mai tan pawh a in pe zo tak mi a ni a ti.

An lungngaihna leh an rilru natna te pawh midang te atang tawrhpui tu an thahnem hle. A patea chuan a vuina senso atan GoFundMe page a siam a, $25,000 sum hmuhchhuah turah $24,173 lai sum a tlingkhawm der tawh a ni.