Mizo Elite News hi ṭha i tihzawng a nih chuan min lo Follow dawn nia

A Nau In A Boral San Hmangaiha Puala Sum Tlingkhawm Hlan A Ni

Tv. Lalhmangaiha, a nau Lallawmkima’n September ni 25 a chatuan ram a pansan tak puala Zo Inspiration ten kan vehbur khawn ah cheng ₹3,20,160 (nuai thum sing hnih leh za sawmruk) lai mai lutin,heng bakah hian pawisa faia dawn cheng ₹9000/- lai a awm bawk. Tin, thun na hun khar a nih hnu pawn lo lut ala awm nual a, hei pawh an account a transfer a ni ang.

Heng pawisa te hi vawiin 2nd October khan Zo Inspiration te chuan tuna Hmangaiha awmna a nutei te khua Thingsulthliah ah kan han hlan a. Tin Hmangaiha’n a mamawh em em mai Wheel Chair pawh kan hawn sak bawk a ni. Zofa khawvel hmun hrang hrang a awm an chanchin lo hria a sum leh pai lo thawh khawm tu te chungah Zo Inspiration chuan thinlung takin lawmthu kan sawi a ni.

Hmangaiha hi a nau dam laiin a nau nen sachek te zuarin ei an zawng ṭhin a,mahse motor in a sut hnu khan hna pawh a thawk mumal thei tawh lova. Tichuan a nau Lallawmkima’n hmangaih leh duat takin a enkawl a,mahse a ni hian a boralsan ta si a. A u leh naute lah an darh zo tawh a, a pa nise a naupan laiin a nupui fanaute chin hriat lohin a bo san daih bawk si. Tin a nu nise kum 2014 khan cancer avangin alo boral tawh bawk nen. A chan hi a chhia in a lainatawm tak zet a ni. I ṭawngṭaipui mawlh mawlh ang u.

Naktuk lam ah a video hi Zo Inspiration channel ah upload a ni dawn bawk e.