Mizo Elite News hi ṭha i tihzawng a nih chuan min lo Follow dawn nia

A Natna Vanga Kumin Christmas An Kiangah A Hmanpui Theihloh Palh Ang Tih Hlauin Christmas Hman Hmat A Tul Phah

Natna khirh tak mai in a tlakbuak vangin ngaiawh leh a a rawn that chhuah leh chu a chhungte pawh in an beisei ngam tawh lo. Hemi vang hian Christmas lo thleng tur chu an duh ai hma in a hun an pawh hnaih mai a ngaih phah a ni.

Wirral a awm kum 33 mi Becky Aspinall hian kum 13 liam ta khan Huntington Disease a vei a ni tih hmuhchhuah a ni a, a natna an hmuhchhuah hian tuna a fapa Alfie thla 6 a pai lai mek a ni nghe nghe.

Liverpool Echo in a tarlan dan in Becky Aspinall hi a natna hriatchhuah a nih atangin a dinhmun hian hmasawn lam aiin chhiat lam a pan zel tih hriat a ni a, a natna vei hian a thluak lam khawihin mihring damtha pangngai thluak angin a hnathawh tur a thawk mumal thei lo a, kal leh tawng pawh a thei lo a ni. A natna hi tihdam theih mai a nih loh vangin a natna ti nep theihna tur chauh in palliative care ah enkawlna a dawng mek.

Becky chhungte chuan harsa ti viau mahse Becky chunga thil thleng chu pawm mai loh zawng tih theih an nei silo. Kum in Christmas hi Becky hian a dampui hman dawn leh dawn loh pawh an hrelo a, chumi vang chuan inpuahchah lawk in a chhungte chuan atan Chrismas lo thleng tur chu an pawh hnaihsak a tul phah.

A nu Lisa chuan tun hi chhungkua a an hun hman dun theih hnuhnung ber a nih palh tak ah tia pawm harsa ti tak chungin Christmas lawmna tur chu a buatsaih sak. A tirah chuan Centre Parcs’ Winter Wonderland ah chhungkua in Trip neih an tum a mahse Becky dinhmun in a zir loh em vangin an awmna ah theihtawp a ropuia lawmsak turin thutlukna a siam ta zawk a ni.

Becky Aspinall chhung te chuan mite tanpuina dawng turin Donation khawn pawh an tum hran lo a, mahse Amazon Wish List chu an buatsaih ve bawk. Becky Aspinall fapa hi tunah chuan kum 12 lai a upa a ni ve tawh a, a nu tello a a thanglian tur ngaihtuah hian a pi leh pu te tan zawng tawrh harsa tak a ni ngei ang.