Mizo Elite News hi ṭha i tihzawng a nih chuan min lo Follow dawn nia

A Ke Leh Lam Tan Sak Ni Chung Pawh A Dancer Ropui Tak Ni Thei

Hringnun ah hian mi tu mai pawh hian harsatna kan tawk theuh thin, Venezuelan hmeichhe pakhat Andreyna Hernandez hi kum 29 a upa niin a ke leh lam tan sak a nih hnu ah pawh dancer ropui tak a ni thei.

A pian tirh atang piangsual sa in a awm lo a, kum 5 liam ta June 26, 2016 khan dance studio pawn a a thu chawl chu thinkung lian tak tlu in a delh a. Heta tang hian a nun chu inthlak in a ke leh lam chu tan ngei ngei a ngaih phah a ni.

A naupan lai atang tawh in Andreyna Hernandez hi lam (Dance) a tui em em thin a, a chunga vanduaina a thlen hnu pawh in a duhthusam te tih hlawhchham a tum ngai lo. Instagram chhawr tangkai in a ke pakhat chauh hmanga a lam lai video chu a phochhuak thin.

Miten Instagram a a video hrang hrang te chu an lo en a,salsa dancing a skill turu tak a neih chu an lo hmuh hmaih lo. Heta tang hian online star ah tangin hmelhriat tu an pungchho tual tual a ni.

Kum 2 lai chu tha chhuak leh turin hun a hmang a,school’s director, Robert Terán chuan tawiawm thin in a ni hi a dance partner a nih mai bakah a taka a kawppui a ni tel bawk a, an pahnih hian fa an nei hial tawh bawk.

“Ka lam leh thei a ni tih ka hriat atang engmah in min dal lo. Ka ngainat em em lam hi ka theih chhung chu chhunzawm zel ka tum a, lam hi ka hlimna a ni” tiin a sawi a, a video clip phei chu 133,000 chuang lai view a hmu tawh nghe nghe.