Mizo Elite News hi ṭha i tihzawng a nih chuan min lo Follow dawn nia

A Ke Hmanga Pawisa Thawkchhuak In A Ke Thlalak Vangin Kar Tin Rs 40,000 Chuang A Lalut Ṭhin

Ei zawnna leh sum thawhchhuah dan hrang hrang hi a in ang lo khawp mai. A ṭhen te chu food blogger, toy reviewer niin ei an zawng.

Internet hi kan nitin khawsakna ah a bet tel tlat tawh a tih theih a. Hri len lai alo ni bawk nen Internet Usage pawh a pung nasa hle.

He hun hi mi fing leh remhria chuan pawisa thawhchhuahna remchang takah an hmang thung a. A hlawhtling zui ta te phei chuan an hna pangngai an chawlhsan phah hial reng bawk a ni.

He nula pawh hian a ke a hmang ṭangkai khawp mai. Georgia a cheng leh khawsa kum 23 mi Kacey hian a ke thlalak hmangin sum a hui lut zal zal bik.

Model leh receptionist a ni a, bul a ṭan hma hian engtin nge online ah miten an ke thlalak hmang te a sum an thawhchhuah tih a belchiang hmasa. A hriatchian hnu ah a luhchilh zui ve ta a ni.

A luhchilh hnu chuan mitam tak hetianga eizawng hi an lo awm a ni tih a hria. June thla khan page a siam ṭan a,mitam takin follow in a ke thlalak leh video sell vel chauh aṭanga chawlhkar tin a hlawh hi £460 (Rs 43,000) lai a ni.

Thil hlimawm lamah ngaiin income chhete hmuh beiseina nen a zuanglut. Kacey hian thil tenawm leh bawlhhlawh lam zawngah chuan inhnamhnawih a duh lo a, a kawppui pawh in a remti hek lo. Thianghlim tak si in Foot fetish modeling lamah a kal ta a ni a, a hlawkpui thawkhat viau.

Kacey hi Sole Dust Queen tiin online lamah chuan hriat a hlawh hle. Eizawnna peng ṭha tak niin a lang. Kacey ang bawk hian Arizona pa kum 35 upa Jason Stromm pawh hian a ke thlalak leh video hmang te in thla tin $4,000 (Rs 2.9 lakhs) zet sum a lo la lut ve bawk.

Catchnews