Mizo Elite News hi ṭha i tihzawng a nih chuan min lo Follow dawn nia

A Kawppui Piangsual Nen TikTok Lama An Video A Phochhuah Thin Vangin Mualpho Taka Puh Hmingchhiat A Tawk

Menecis Garriga leh a kawppui Brody Roybal te hi video sharing platform Tiktok a an video phochhuah a nih atang an lar hle a, an pahnih hian Tennessee a khawsa an ni.

Menecis Garriga hian Tiktok a an video a phochhuah thin vang hian thlirtu atang sawiselna leh puh hmingchhiat a tawh phah tih a sawi a, a kawppui piangsualna chu Menecis Garriga hian larna leh hmingthan nan a hmang tangkai mai mai tiin a chungchang an sawizui.

Brody Roybal hi piantirh a ta ke nei lo a ni a, a kawng a chin hnuailam a awm lo. Heti chung hian Team USA ah Gold Medal a la thei a, 2014 leh 2018 Winter Paralympics ah te ice sled hockey tan a khel a ni.

Menecis Garriga nen kum 3 liam ta atang in an inngaizawng tan a, Tiktok kaltlanga an video an phochhuah chuan thlir tu tam tak neiin 1.5 Million folowers leh 40 million like an dawng thei bawk.

This Morning today a an inlanna ah Menecis chuan a bialpa piansualna hmang tangkai a lar tum lutuk ang a Online a sawiselna a dawn thin chu a sawichhuak. “Mi thenkhat in comment tha tak tak min pek laiin thenkhat chuan Brody ka hmangaihna chu fiamthu ah min laksak. A tirah chuan min ti na hle reng a ni. Mahse kan pahnih inkara thil awm leh engthil nge kan lo paltlang dun tawh tih an hre lo. Kan inhriatchian ang zat hian min hrechiang lo a ni” tiin a lo sawi a ni.

2018 atang in an pahnih hian an inkawp tan a, Menecis hi Middle Tennessee State University (MTSU) a Business a zir laiin a ni. Host pahnih Eammon Holmes leh Ruth Langsford ten a kawppui piansualna avang hian an inkarah harsatna an tawh phah em tih zawhna chu Menecis hian aih tiin a chhang.

Brody inrintawkna leh a dinhmun hre reng chunga a thil tum leh a chak zawng te a in dal tir duh hauh lohna te chuan a hneh tak zet thu Menecis hian a hrilh a, a piansualna chuan eng harsatna mah an inhmangaihna kawng ah hian a thlen lo a ti.