Mizo Elite News hi ṭha i tihzawng a nih chuan min lo Follow dawn nia

A kawppui condom a ruka a lo tih pawp vangin thubuai siam sak ani

Germany ram ah chuan thil danglam tak mai a thleng a, hmeichhe pakhat chuan a kawppui pa hriat miah lova a ruk a a Condom ti pawp a kua alo siam ruk vangin thubuai thlen ani.

German media outlets in an tarlan dan in kum 39 a upa, a hming tarlan loh hmeichhia hi kum 42 a upa nen mipat hmeichhiatna hmangin “friends with benefits” angin inzawmna an nei tih hriat ani.

Kum 2021 atang khan Online lam ah in hmelhriat tan in an inkawp chho a. Vawitam an inhmuh hnu ah chuan a hmeichhia zawk hian a kawppui lakah hian inzawmna thuk zawk a beisei. Mahse a mipa zawk hian nawmchen na leh inkawp satliah bakin inzawmna neihpui a duh lo.

A kawppui laka beiseina sang tak a neih chu puitlin tum in nau a pai theih nan a ruk in a kawppui pa Condom ah hian kua siam in alo ti pawp ani tih German newspaper Bild chuan a tarlang.

Mahse a ruahman leh duh ang in nau a pai leh ta silo a, a mipa kawp hnen ah hian a chetdan chu hrilh in a kawppui pa hian a hriatpuina tel lo a a thil tih a hriat chuan lungawi lovin dan hmangin a lakah thubuai a thlen ani.

Prosecutor te chuan a thubuai thlen hi an lo pawm sak a, a tirah pawngsual thubuai siam in mahse an ennawn leh tak hnu ah inkhawih chhiatna hmangin charge an siam.

Kawppui remtihna tello a inpawl laia indanna (condom) phawi hi mipa lakah thubuai lut a awm tlangpui a, tun tum erawh hmeichhia laka thubuai thlen a nih vawikhatna in an sawi hial. Kum 2020 mai pawh khan mipa pakhat chu a kawppui nen mipat hmeichhiatna an hman hma lawk a condom alo tih pawh vangin U.K. court in kum 4 chhung Jail tang turin a hrem tawh bawk.