Mizo Elite News hi ṭha i tihzawng a nih chuan min lo Follow dawn nia

A Kawchhungah Lungte Inchhekkhawl Hnem Lutuk Vangin Doctor Te Ngei Pawhin Mak An Ti

Hyderabad damdawiin pakhat ah chuan damlo zingah kal (kidney) ah lungte tam tak alo inchhekkhawl vangin Doctor te ngei mak tih a hlawh viau. Hetiang zat hi mihring kawchhung lam ah a awm ang tih an beisei pha biklo.

Doctor te sawidan in tun hi Kal (kidney) atanga lungte an phawrhchhuah hnem ber a nih thu an sawi hial. Patient pa hi school teacher hnathawk lai a ni a, a pum a nawmsam loh em vangin damdawiin ah hian in entir in a kal tih hriat ani.

Doctor ten a pum nat chhan hriatchhuah tuma endikna an kalpui chuan a Kal ah lungte thahnem zet mai alo awmkhawm teuh tih an hmuchhuak ta ani.

News agency PTI te tarlan danin damlo kawchhunga lungte hi a awmna tur hmun zunkawng lam nilovin a pum lam hnaih ah a awm tlat. Laparoscopy leh endoscopy te hmangin lungte lakchhuah nan hian darkar 3 zet hun an hmang. Damlo kawchhung atanga an phawrhchhuah fel hnu hian lungte hi 156 zeta tam a ni hial.

Hetiang ang a thahnem lungte pai tu hi a hming erawh tarlan sak a nilo a, Hubli lam chhuak niin Preeti Urology and Kidney Hospital ah admit ani.