Engchen nge maw an tawrh zel dawn a, thisen engzat chuang nge la luang dawn tih pawh hriat a la ni lo. Myanmar unau te tawrhna hi a rapthlak zo zai tawh em mai. An tawrhna nasat zia hi tawngka mai a sawifiah theih a ni lo.
He rawlthar khawngaihthlak tak hian min vel tap nasa khawp mai. A ram in zalenna a hmuh theihna turin ke a penchhuak a, mahsela sipai ten an silai chhuan tawlawl hmangin a nunna chu an laksak.
A hliam tawrh chu a nasat em avang in chhan theih rual a ni tawh lo a, hmahun engtak leh suangtuahna tam tak a neih ve te chu Sipai nunrawng ten thawkleh khatah an tihtawp sak ta.
Mahsela he tlangval hian a hnukchah dawn thleng in beiseina sang tak a la nei fan fan a, a theihna leh chakna zawng zawng sawmkhawm in a kut tang pathum te chu a la lek kang ve hram hram a ni.
Silai mu pakhat hian mi nunna a lak theih rual in an chhungte mittui pawh a tih tlak sak thei. Mihring hi vawikhat chauh nung tur kan ni a, Sipai te hian nunna hlut zia hi an hre lo em ni.