Mizo Elite News hi ṭha i tihzawng a nih chuan min lo Follow dawn nia

A Hringtunu Nunna Laksak Tu Rawlthar Kum 17 A Upa Chu A Phutawk Hremna Pek A Ni

Kum 2018 November thla daih a Florida a thil thleng tawh kha a ni a, tunhnai khan he rawlthar hi a nu thah thubuai ah a chungthu ngaihtuah fel sak a ni ta chauh.

Thil thlen lai hian tualthattu Gregroy Ramos hi kum 15 leka upa a ni. A nu Gail Cleavenger, 46 nen DeBary a an chenna ah inhmuthiamlo a an intihbuai hnuin Ramos hian a nu hi a rekhlum tih hriat a ni.

Report in a tarlan danin Ramos hian an School a classwork an neih ah ‘D’ grade a hmuh vangin a nu Cleavanger hi a lungawi lo a, a fapa nen hian an in hauh phah. A hnu hian Ramos hi a nu chunga a thinrim em vangin a mu lai chu a kutin a rekhlum a, a nu ruang hi church yard hnaih ah a phum a ni.

Ramos hian a tualthahna atang fihlim turin a thian te pahnih puihna a ngen bawk. Thil thleng chu inrawkna/rukruk chet tlatna angin lantirin lem an chang. Thil landan an siam rem hnu ah Police an call chauh.

Gregroy Ramos hi Court ah a chungthu ngaihtuah niin a lakah hian tualthah thubuai awrh tir a nih bakah finfiahna alo khawih danglam bawk vang te in Zirtawpni khan kum 45 tang turin a chungthu an rel.

Ramos chuan a thurual pui pahnih te chu an lakah zahngaihna lantir turin Court a ngen sak a, a thil sual tih vanga an ni in an tawrh ve hi a dik lo a ti. Mahsela Ceglarek leh Porras te pawh hian tualthattu an puih vang hrim hrim in sual a ni a, an chungthu ngaihtuah leh a ni ang.

DM