Mizo Elite News hi ṭha i tihzawng a nih chuan min lo Follow dawn nia

A Hringtu Ten Duhlo A An Hlamchhiah Naute Chu Ui In Hmangaih Takin A Enkawl, Chhanchhuah Ani

Ui te hi mihring te tan thian tha tak an nih zia an lo tilang fo tawh thin. India ram Chhattisgarh ah naute pakhat chu a hringtu ten duh lovin an hlamchhiah tih hriat ani.

Mak takin ui pakhat fing tak chuan he naute hi hmangaih takin a note kiangah a awm tir a, zan ah alo venghim ve tlat. Naute hi hmeichhia a ni a, hmuh a nih hian thuamhnaw pawh engmah inbel lovin a lai hrui umbilical cord te pawh alo la awm.

Mungeli district a Saristal village of Lormi a thleng a ni. Khaw mite chuan ui bauh leh naute tap ri an hriat hnu ah an va hmuchhuak. A tirah chuan ui hian a tina palh ang tih an hlauthawng hle a, mahse an va hmuh chuan ui hian tihnat chu sawiloh alo venghim reng zawk ani.

Naute taksa ah hian hliam engmah a neihawm hmuh a nilo bawk a. Jeev Aashraya tih chuan thil thleng hi Facebook page ah a rawn tarlang. Chhanchhuah a nih hnu hian damdawiin hnai berah hruai nghal ani. Police ten a chhungte, a nu leh pa dik tak zawn hna an thawk mek zel bawk.