Mizo Elite News hi ṭha i tihzawng a nih chuan min lo Follow dawn nia

A Hringtu Nu Ngei A Thah Hnuah A Ruang Hmun Tam Takah Chansawmin A Ui Nen An Ei

Mahni mihringpui sa ngei ei hi hriat tur an awm fo tawh thin. Spain khawpui Madrid a tlangval pakhat kum 28 a upa Alberto Sánchez Gómez hian a hringtu a nu kum 68 chu a thah hnu ah a ruang chansawm in a ei tih hriat a ni.

The Sun in a tarlan dan in Alberto Sánchez Gómez hi a hma chuan waiter hna a thawk thin a, a nu taksa hi hmun 1,000 zet ah a chansawm hnuin lunch box ah a dah tha a,alo ei thin. Amah bakah hian a nu ruang hi a ui vulh lai pawh a pe a ni awm e.

A thian pakhat in a nu a hmuh tawh ngai loh vanga ngaihtha lo in thuneitu te a hrilh a, 2019 khan Alberto Sánchez Gómez hi an man. Officer ten a chenna in an dap chuan an thil hmuhchhuah zet chu mak an ti hle.

A nu Maria Soledad Gomez taksa/ruang hrang te chu fridge a Tupperware containers ah alo awm rui a, a then oven ah a indah bawk. Gomez hian a nu a thah ngei thu hi a inpuang a mahse a ruang a chansawm leh a sa a ei lai hi a hrelo a ti a, ruihhlo a khawih thin thu a sawi.

BBC te tarlan dan in Gomez hian rilru lam ah chian lohna deuh a neih an ring. Ama sawidan chuan TV a en laiin a nu that tura aw a hriat thu a sawi.

A nu rawng taka a tihhlumna vang hian a lo ber ah kum 15 tang tura tih niin hei bakah a unaupa hnen ah zangnadawm nan 90,000 euros (£77,000) pe tura tih a ni.