Mizo Elite News hi ṭha i tihzawng a nih chuan min lo Follow dawn nia

A Hnathawhna Mi An Boss In Mawilo Taka A Chhaih Vangin Zirtirna A Pe Hlak

Mipa ho kha hmeichhia te hi awmnem zawk an nih vang maiin zuam ngawt loh tur, rin aiin zuamsual an awl chawk thin a nia.

China a hmeichhe pakhat in an chunga awm an hotu pa a zilh hauna hian Internet ah ngaihven a hlawh hle a,a hmeichhiatpui te atang thlawpna thahnem tak a dawng hial a ni.

Xinhua News Agency in a sawidan in hmeichhia hi Zhou tih a ni a, an boss hi Wang a ni. Wang hi Beilin district a poverty alleviation office ah deputy director in a awm. A hnuai ah hian Zhou hi hna a thawk a ni.

Mahsela Wang hian a hnuaia hnathawk hmeichhia te mipat hmeichhiatna hawizawngin tenawm takin text message a lo thawn thin a, Zhou pawh hian an Boss hnen atang message bawlhhlawh hi a dawng thin.

Mawi lo taka an chunga an Boss chetdan chu a tuar thei lo a, a thinrim chuan a Office ah luhkhungin mop leh hmanraw thenkhat hmangin a hlap a, zirtirna alo pe hlak.

Zhou in a duh ang tawka a thinrimna a hrikthlak lai hi Video in lo lak a ni a, an Boss Wang hi Chair ah thu in a thil tih chu fiamthu mai a ni a, a tihsual palh a nih thu pawh a sawi bawk.

Xinhua News Agency leh South China Morning Post (SCMP) te chuan Wang hi he thil thleng vang hian Office atang hnawhchhuah a nih phah tih an sawi a, Zhou pawh hian rilru (mental) lam ah damlohna a neih phah hial thu an tarlang.