Mizo Elite News hi ṭha i tihzawng a nih chuan min lo Follow dawn nia

A Hnathawh Na Lama A Nunna Hlan Tu Nurse

Engzat chuangin nge he virus hi la thihpui ang a, mithiam tak tak khawvel in ala chan belh dawn. A va luhai thlak tawh em.

NHS nurse,consultant geriatrician kum 70 a upa Alice Kit Tak Ong chu a damlo te tan a nunna thap in, a hnathawhna ah a nunna a chan. Virus a thihpui ve leh ta a, frontline Medic a nunna chan thar ber a ni.

Alice Kit Tak Ong hi Hong Kong aṭang UK ah 1970 khan an pem. Kum 44 lai a hna hi a thawk a, a thih hma thleng in a thawk. Damlo a enkawlna ah hian chawlh a nei mumal lo a, coronavirus vei a enkawlna lam ah hian a kai ve a ni.

London a Royal Free hospital ah admit niin chawlhkar 2 a awm hnu ah Thawhlehni zing khan a boral. UK a Medic nunna chan zinga 15 na ni chiah.

A chhungte chuan a thih chhan ah hian personal protective equipment a ṭha tawk lo tih an sawi a, a fanu Melissa Ong, 37 chuan a nu hian a hna hi a tui hle a, damlo te ngai pawimawh in a hmangaih hle. Virus kai hma, damlohna a neih hma thleng pawh khan hna hi a la chhunzawm a, a hnathawh ah inhlan pumhlum ṭhak in nunna a chan ta tiin The Gurdian a hrilh.

DM