Mizo Elite News hi ṭha i tihzawng a nih chuan min lo Follow dawn nia

A Hnar Nuai Bo Tirin A Ha Ah Ngho A Vuah

Hetianga i lanna tur hian sum seng ṭeuh tur ni ta la i duh kher ang em. A ni erawh hi chuan duh in a tih tir tlat.

Brazil a tattoo artist pakhat Michel Faro do Prado (kum 44) hian awm ngaihna a hrelo ve khawp mai. A ni hian a taksa chu nasa tak in a khawih danglam tir.

A hnar pangngai chu duh lovin a nuai bo tir a,surgery hmanga a hnar an buaipui zawh hnu hian a ha ah ngho sei (tusk) tak a vuah tir leh nghal a ni.

Mawi leh nalh tak in chhuak lo mahse a taksa a khawih danglamna ah hian cheng tam tak a seng a, 80% zet a taksa ah tattoo a chhu bawk.

Prado hi Paraguay leh Brazil border Igutemi lam chhuak a ni. Vawi 35 lai a taksa hi a thlak danglam a, a lei (tongue) a ṭhen tir bakah a mitmu ah tattoo a chhut tir hial tawh bawk a. Heti chung hian ala duh tawk lo, surgery neih leh a la tum cheu tih a sawi.

“Ka duh dan tak in thil ka ti ṭhin. Hei hi ka idea a ni a, keimah aṭanga chhuak liau liau. Tumah ka entawn lo” tiin LadBible hnen ah a hrilh.

“Min fuih tu ka tawng a, chutih laiin min seltu ka tawng bawk. Seltu chu khawi ah pawh an awm reng ang. Mahse chu chuan min ti buailo” a ti hmiah

Tattoo artist ni mahse a taksa ah hian amahin a inchhu kai lo va, a ṭhian ten an pui ṭhin. Orc tiin a in ko ngat a, A landan a bawraw em vang hian ‘human satan’ tih hial a hlawh.

TN