Mizo Elite News hi ṭha i tihzawng a nih chuan min lo Follow dawn nia

A hmeichhe thla tin thi neih chu thehthang mai lovin a in bakah a hmai ah te a hnawih,a chhan chu

Hmeichhia tawh phawt chuan thla tin thi (period) an nei thin. Hei hi tenawm leh thil tawp a nilo a, mi pangngai nihna zawk a ni. Chuvang in hmeichhia zawng zawng te Pathian in a din anga thla tin thi in nei thei a nih chuan hlim zawk hliah hliah tur.

Spanish nu pakhat Barcelona a cheng mek Jasmine Alicia Carter, 30 phei hi chuan a thla tin thi (period) neih chu alo hmang tangkai khawp mai. A thi te hi theh thang mai lovin a In bak ah a hmai ah te hnawihin facial nan a hmang thin ani.

Hetianga a tihchhan chu hmeichhe thi neih hi damdawi tha tak ‘pure medicine’ tiin a sawi a, a taksa leh thlarau hriselna atan a that hle thu a sawi pek tlat.

Fa 1 nei tawh Jasmine Alicia Carter hi a hma chuan waitress hna a thawk thin. Sacred Woman’s Empowerment Mentor niin hmeichhia te menstrual cycles chungchanga thurawn pe tu niin, mipa te aia an danglamna chu zahpuilo turin alo fuih thin ani.

Hmeichhe taksa atanga thi chhuak chu nutrients tiin a sawi bawk a, iron, protein leh stem cells a keng a ti bawk. Hetia a thi te a in atang hian a hriselna pawhin hma a sawn tih a sawi a, a hmai vela a hnawih pawhin harsatna chu sawi loh a vun chu a tha chho sawt sawt zawk a ti. Amah bakah a pasal pawhin alo hmang ve thin hial bawk a ni awm e.

Mi thenkhat atang a thil tih chu atthlak ti a sawisel zui tu tam tak an awm bawk a. Amaherawh chu eng teh vakah a ngai lo, a period a piang in hmeichhia a nihna ah amah inngaihhlut dan a hrethiam thar leh fo a ti a. A thi te hi in atan leh hmai hnawih a a hman bakah lemziah nan te pawh alo hmang tel ani.

Jasmine in hmeichhe thi chungchang hetiang taka a fak hi mithiam zawk dang te hrilhfiah dan nen erawh chuan a inkalh hle thung.