Mizo Elite News hi ṭha i tihzawng a nih chuan min lo Follow dawn nia

A Hmangaih Mipa Covid19 Vei Mek Tu Chu PPE Thuam Inbel Chungin Pasal Atan A Nei

He hri nunrawng tak hi chu a ngeiawm thin khawp mai. Inhmangaih tam tak te a lo then hrang nual tawh a. Mahsela he tih lai mek hian hri len karah pawh hmangaihna nasa tak chunga nupa a insiam an lo awm ve tho bawk.

southern Indian state a Kerala, Alappuzha ah nula leh tlangval te chu nupa ah insiam in inneihna an hmang. Mo Abhirami hian a pasal neih na ah pawh mo thuam pangngai inbel thei lovin mo kawr ai ah Personal Protective Equipment (PPE) a ha chhuak zawk.

A chhan pawh a pasal Sarathmon S hian Covid19 a vei a,Alappuzha Vandanam medical college ah admit lai mek a ni. An inneih hun tur ni tha nia an ruat sak chu bawhpelh an duh loh vang in hri len karah tihian inneihna hi an hmang tlang a ni.

Mo neitu bakah hian a nu pawh in hri hi a kai tel a, mo Abhirami chhungte zingah pawh hrikai hi an awm bawk. Authorities ten damdawiin a an inneih hi phalna an pek hnu ah April 25 khan an innei ta a ni.

Hmangaihna hi chu a va hlu tak em, harsatna karah pawh hmangaihna dik chuan parmawi tak a chhuah thin.