Mizo Elite News hi ṭha i tihzawng a nih chuan min lo Follow dawn nia

A Hmangaih Em Em Thin A Pasal Lu Chu A Tanchhum Sak

Hmangaihna hi a diklo lam a a kalsual palh tawh chuan thil pawi leh tha lo zawk a thlen phah fo thin a ni.

October 3, 2021 khan Eastern Region, Ghana ah hmeichhe kum 27 a upa Rachel Tetteh chuan alo hmangaih em em thin a pasal chu rinhlelhna vangin a nunna a laksak a, amah nilo hmeichhe dang kawp nia ngaiin a lu a tanchhum sak tih an sawi.

He thil thlenna hmun tak hi Tei Glover, Akyem Bosuso, Fanteakwa South District ah a nia, a pasal Lartey Daniel, 35 hi farm a kal chu Rachel hian a lo chang a,a in rinloh laia a beih thut hnu hian a hriam hrei ken chem hriam tak chuan a pasal lu hi a tanchhum ta mai a ni.

Rachel Tetteh hi Police te chuan a pasal rawng taka a tihhlum chungchang ah hian thubuai siam sak in an man nghal. Lartey Daniel ruang hi endik tura thawn a ni tawh bawk.

Tualchhung Media te tarlan dan atang chuan Lartey Daniel leh Rachel te nupa inkarah hian in hriatthiam tawn loh palh vang liau liau leh uire a inpuhna dik tawk loh avanga thihna rapthlak hi thleng a nih thu an sawi a. Rachel hian a pasal in hmeichhe dang a kawpsan ngei tih fiahna pakhat mah neilo in a nunna hi a laksak thu an tarlang.