Mizo Elite News hi ṭha i tihzawng a nih chuan min lo Follow dawn nia

A Hmai Chu Khuai 60,000 Laiin An Bawm Khat Vek Mahse Engtin Mah A Awm Lo

Thiamna leh theihna hrang hrang hi ava han in ang lo in a va inchen lo tak. Khuai te chu mitam tak tan chuan thil hlauhawm tak mai a nih laiin hepa tan erawh chuan a ṭhian ṭha ber a ni.

Kerala a mi kum 24 a upa Nature M.S hi a hmai ah khuai 60,000 chuangin an bawm khat luk mai. Mahse engtin mah a awm lo a khuai chu atan chuan a ṭhian ber a nih thu a sawi meuh mai.

Nature M.S hian Guinness World Record ah khuai in a lu a bawm rei ber nihna dinhmun a lo chelh tawh a. Record a siamna hian khuai te hian darkar 4 minute 10 leh second 5 chhung an lo bawm, mitam tak mak tih a tling.

Hetia khuai inbawm tir hi hmelhriat tir tu chu a pa a ni a, a pa pawh hi beekeeper leh honey maker ah award-winning a ni bawk.

Nature hian unaupa bee theme name, Nectar a nei. Mipa naupang a nih lai aṭang daih tawhin khuai hian a lo bawm tawh. A kuta an lalnu a dah chuan khuai dang te hian an bawm nghal sup sup a ni.

Hetia a kuta an bawm hnu ah a tukah chuan ti leh in a lu ah lalnu chu a dah a, khuai dang te hian an bawm khat leh nghal vek.

A pa chuan thurawn a pe ṭhin a amaha hlauhna leh nervous na te chu hneh tlat turin a ti ṭhin a, “ka pa chuan khuai lakah hian chi ai leh buailo a khuai chu ṭhian anga en turin min hrilh” a ti.

Hetia khuai in a hmai a bawm khah tlat hian amah ah harsata chhe te mah a neilo a, khuai te hian engtin mah tina lo in an zuk lo hrim hrim. Khuai te nen hian inzawmna ṭha tak an neih thu a sawi.

Nature hi Bangalore ah College a zawm a, khuai hum halhna lam ah hian theihtawp in ṭan a la bawk a. Mihring te tan khuai te hi an pawimawh leh an hlut zia a sawi uar hle. Amah ang hian khuai hi midang te pawn ṭhian ah an siam thei a ti bawk.

DM