Mizo Elite News hi ṭha i tihzawng a nih chuan min lo Follow dawn nia

A Hma Aia Hlauhawm Leh Kai Awlsam Zawk Covid Variant Thar Vietnam Ah Hmuchhuak

Khawvel in hripui hlauhawm tak a buaipui chho mek a, India ram chu second wave tuar na ber ni in kan zoram ngei ah pawh a ni tel in Covid vei thar an pungchak sawt hle.

Hetih lai mek hian chanchin duhawm lo dang a rawn awm leh a. Covid variant thar chu Vietnam ram ah hmuhchhuah leh a ni tih hriat a ni.

State Media te tarlan dan in he Variant thar hmuhchhuah zinga mi hi a hma ai khan inkaichhawn a awlsam zawk tih an sawi a, Health Minister Nguyen Thanh Long chuan he hri hi India leh Britain a hmuhchhuah tawh te inpawlhsawp a ni a, boruak a darh chak leh hlauhawm tak a nih thu a sawi.

Hrikai thenkhat te zirchianna an neih atang virus chi thar hi scientists ten an hmuchhuak a,lab tests an neih atang a hmasa ai khan inkaichhawn a awlsam zawk a ni tih an hre zui leh. Mi engzat chiah in nge variant thar hi kai tawh tih erawh hriat theih a nilo a,industrial zones leh khawpui lian Hanoi leh Ho Chi Minh City ang ah te taidarh tura ngaih a ni.

He Covid variant thar chungchang kimchang hi tun atanga reilo ah Vietnam hian khawvel hma ah a puang vat dawn. India hian tunah hri thar dang black fungus leh yellow fungus te a buaipui mek a ni a, Vietnam variant thar hi a rawn thleng thla leh a nih chuan a buaithlak hle ang.