Mizo Elite News hi ṭha i tihzawng a nih chuan min lo Follow dawn nia

A Faten Fuihna An Pek Hnuah MLA Lai Dinhmun Chelhtu Chuan BA A Exam

Zirna ah hian tlai luat a awm chuang lo a, kum upat leh naupan ah a inghat lo. Mi fing a piangin zirna hlut leh pawimawh zia an hria.

Rajasthan a mi Phool Singh Meena hi Udaipur Rural a BJP MLA a ni. Kum 62 mi a ni tawh a, a fanu te chuan zirna lamah theih ang tawk chhuahpuiin phurna leh thathona an pek hnu ah zirna a chhunzawm leh.

A fanu rual tur te nen Phool Singh Meena hi BA final year exams a hmachhawn a,March 2 khan Kota Open University centre, Udaipur a Political Science paper exam a a tel hmuh a nih in chanchinbu lian tak tak te beng a thleng.

Phool chhungkua hi an retheih avangin lehkha a zir tha thei lo. A pa in a boral san hnu ah Class 7 thleng chauh kalin School a bang. Hei vang hian amah pawn hrehawm a tia, a fanu te chu zirna ah theihtawp a chhuahpui.

A fanu 5 zinga 4 te chu postgraduates an ni a, a naupang ber hian lawyer a zir mek. Engthleng nge an pa hian zirna a kal tih an hriat hnuah 2013 khan Class 10 standard ah an admit tir a, an zirlai an tih zawh hnu ah zirtirna an nei thin.

10 standard a zawh hnuin 12th standard exams pawh a pass leh zel a, tunah BA exams final year nei mekin a graduate vat a beisei tih a sawi. Tin, Phool hian hma hun ah Ph.D beih leh a la tum cheu bawk..