Mizo Elite News hi ṭha i tihzawng a nih chuan min lo Follow dawn nia

A Fate Enkawlna Senso Chawi Tur A Neih Loh Vangin Nu Chuan A Organs Dahkham In A Lung Chen In A Zuar

Fate tana nu hmangaihna leh inpekna a langchhuak leh ta, Kerala ah chuan he hmeichhia hian a fate enkawlna senso medical bills pek na turin a taksa peng organs te chu lilam in alo zuar.

Thawhṭanni khan he hmeichhia Shanthi tia koh hi Ernakulam a kawngsir ah chuan dingin, board ah chuan a fate enkawlna medical bill leh an inluah man pekna turin a organ (a lung chen in) hralh a duh thu a lo ziak meuh mai a ni.

Board a thu inziak ah hian a blood group O- a nih thu leh amah biak pawh theihna turin mobile number te pawh a tarlang tel nghal. Lo hmutu te chuan mak an ti hle a,Local police te inrawlh vat in station lamah an kalpui.

Shanthi hian a fate 3 tan a organs te hi hralh lo thei a nih loh thu a sawi a. A fapa upa ber hi thla tam liam lo ah khan accident tawkin brain surgery hmachhawn ngaiin a awm. A fapa pakhat chu a pum ah bawk tumour awm in Surgery hmanga nuaibo sak a ni a, a fanu kum 11 mi in accident tawk bawk in neurosurgery neih ngei a ṭul leh a ni.

A fate pathum lai maiin Surgery an hmachhawn a ngaih vangin a senso a hautak in a ko a rit tak zet. Hetih lai mek hian Muvattupuzha a an chenna in chu luah man an pek theih loh vangin in aṭang chhuah tir an ni bawk.

Shanthi hian heng zawng zawng phuhrukna atan hian pawisa ngaihtuah a ngai a,Rs 20 lakhs vel lai mamawh in kawng a hriat chhun a organs hralh mai loh chu duhthlan tur dang a neih loh thu a sawi.

An chanchin a darh hnu ah mimal leh pawl hrang hrang te chuan ṭanpui dan kawng ngaituah in ke an penchhuak a,Ernakulam District Collector chuan an chenna in ah an chhunga kir tir leh an nih thu sawiin Lions Club in a luah man an chawi sak dawn. Kerala Health Minister KK Shailaja pawhin Shanthi hnen ah hian government in a fate enkawlna senso chu a phuhruk sak ang tih a lo tiam a ni.

IT