Mizo Elite News hi ṭha i tihzawng a nih chuan min lo Follow dawn nia

A Fate 3, A Nupui Leh An Ui Te A Thah Hnuin Amah A Intihlum Ve Leh

United State a Ohio ah chhungkaw pa ber chuan a chhungte a that mang vek a, a nupui leh a fate 3 bakah an ui vulh chen in thah niin a hnuah amah chu a intihlum zui ve leh nia hriat a ni.

John Nelson,44 hi a hnathawh na ah a kal loh vangin a chenna in an en chuan a nupui Robin (35), a fate Gavin (kum 12), Brianna (kum 10) leh Liam (kum 6) te chu thi a hmuh an ni a, an kiangah an ui vulh pawh thi a hmuh a ni.

Pa ber John Nelson hian a nupui leh a fate ho a thah hnu hian amah leh amah chu a inkaphlum zui nia hriat a ni a, an chenna Elyria a Police te chuan an enthlithlai hnua Statement an siam chuan tualthahna leh mahni intihhlumna (murder-suicide) an ti.

Engvanga hetiang thil hi ti ta mai nge a ni tih hi hriat a la ni lo. Hetih lai hian a laina hnaite erawh chuan Nelson hian hetiang thil hi a tih duh an rinloh thu an sawi ve thung a, a chhungkua ngaihtuah em em leh fate tana pa nih tling zo tak anih thu an sawi ve.

John Nelson hian facebook ah a nupui leh a fate thlalak phochhuak in an ni chu a nunna a nih thu alo sawi a, a hmangaihte chunga hetiang thil rapthlak a tih duh hi an ringlo hle.

An ṭhenawm a mite chuan Thawhlehni tlai lam dar 5 bawr vel khan thawm ri eng emaw an hriatthu an sawi a, halpuah/halmawi ri mai ah ngaiin thil dik lo thleng awm a an rin loh thu an sawi. An ṭhenawm pakhat Linda Bristow chuan ri a hriat chu firecrackers leh rum rak a hriat chu naupang thawm bengchheng vel ni ah ka ngai alo ti ve bawk a ni.

DM